საწრეო მუშაობა სემესტრის განმავლობაში 2018წლის პირველი სემესტრი

ქართული ენის წრე 6,7,8 კლასებში

მასწავლებელი ნათელა ღლონტი

2018 ახალ სასწავლო წლის პირველ  სემესტრში შეიქმნა ქართული ენის გრამატიკის შემსწავლელთა  წრე, რომელიც შედგება 15  მოსწავლისაგან. წრე ტარდება კვირაში ერთჯერ   წრეზე განსახილველი თემები წინასწარ არის გაწერილი, რომელიც ემსახურება მოსწავლის, როგორც სააზროვნო ასევე წერისა და კითხვის უნარების განვითარებას. 

წრის დასახელება და მოკლე დახასიათება  - დვაბზუს საჯარო სკოლაში  ჩამოყალიბდა ქართული ენის გრამატიკის უკეთ შესწავლის მსურველთა წრე ,, ლამპარი“  წრე სკოლის რესურსების და მოსწავლეთა ინტერესების გათვალისწინებით იქნა შერჩეული, წინასწარი მოკვლევის საფუძველზე სკოლამ განსაზღვრა მიმართულება.

            თემატიკა წრის მუშაობის პროფილი მისი ჩამოყალიბების მიზანი აქტუალურობა და მნიშვნელობა

            წრის მუშაობის პროფილი ,როგორც ავღნიშნეთ ითვალისწინებს ქართული ენის გრამატიკის შესწავლას სიღრმისეულად, გათვალისწინებული იქნება მოსწავლეთა ინდივიდუალური საჭიროებები და ასაკობრივი თავისებურებები.

წრის შექმნის მიზანია ქართული ენის გრამატიკის უკეთ შესწავლა და პრაქტიკაში გამოყენება, სწორი უნარ-ჩვევების დაუფლება, ქართული ენის გრამატიკისადმი მოსწავლეთა ინტერესის გაღრმავება, მოსწავლეთა ჩართულობის გაზრდა სასწავლო პროცესში, მოსწავლეთა მოტივაცის ამაღლება, ასევე  მოსწავლეთა შორის თანამშრომლობითი უნარების განვითარების ხელშეწყობა.

 წრის შექმნის აქტუალობა  განაპირობა  კერძოდ იმან, რომ მოსწავლეებმა სიღრმისეულად არ იციან ქართული ენის გრამატიკა, ეს პრობლემა თავს იჩენს ზედა კლასებში ძალიან მკვეთრად, ასევე მისაღებ გამოცდებზე ყველაზე მეტი შეცდომები მოსწავლეებს ზოგადად გრამატიკის საკითხებში აქვთ და სწორედ ამ პრობლემის აღმოსაფხვრელად შევქმენით გრამატიკის ღრმად შესწავლის მსურველთა წრე, რომელშიც გაწევრიანებული იქნებიან  6, 7, 8  კლასის მოსწავლეები.

საწრეო მუშაობის პროგრამა, საწრეო მუშაობის ხანგრძლივობა და შეხვედრების განრიგი

სამუშაო პროგრამა	მუშაობის ხანგრძლივობა	შეხვედრების განრიგი (თვე, რიცხვი)
საწრეო მუშაობის გაცნობა წრის წევრებისთვის	45წთ	სექტემბერი
მორფოლოგია და ორთოგრაფია (არსებითი სახელი,ზედსართავი სახელი , რიცხვითი სახელი,ნაცვალსახელი ზმნა, ზმნისზედა, კავშირი ნაწილაკი, შორისდებული, რთული სიტყვები)		ოქტომბერი
სინტაქსი და პუნქტუაცია (წინადადება, სიტყვათა შეკავშირება, ამხსნელი სიტყვა, სიტყვათა აზრობრივი და გრამატიკული შეკავშირება)
წინადადების წევრები (წინადადების წევრის რაობა,წინადადების წევრის გადმოცემა რამდენიმე სიტყვით, არაწევრი სიტყვები წინადადებაში, შემასმენელი, შემასმენლის გადმოცემა, ქვემდებარის რაობა, ქვემდებარის გამოხატვა, ქვემდებარის შეწყობა შემასმენელთან რიცხვში, შემასმენელი მხოლობითში დასმულ ქვემდებარესთან, შემასმენლის რიცხვი მრავლობითში დასმულ ქვემდებარესთან, დამატება, განსაზღვრება, გარემოება.)		ოქტომბერი
წინადადება შინაარსის მიხედვით (თხრობითი, კითხვითი, ბრძანებითი, კითხვით ძახილის)		ნოემბერი
წინადადება აგებულების მიხედვით(მარტივი წინადადება,სრული და უსრული წინადადება, შერწყმული წინადადება, ერთგვარ წევრთა შეერთების საშუალება, შემასმენლის რიცხვი ერთგვარ ქვემდებარესთან, ერთგვარ წევრთა გამაერთიანებელი სიტყვები წინადადებაში, მიმართვა, სასვენი ნიშნები მიმართვასთან, შორისდებული სასვენი, ნიშნები შორისდებულთან)
რთული წინადადება (რთული წინადადების შემადგენლობა ტირე რთულ წინადადებაში,პირდაპირი ნათქვამის ნაწილაკები, კავშირიანი და უკავშირო რთული წინადადება,მძიმე კავშირიან რთულ წინადადებაში, სასვენი ნისნები პირდაპირ ნათქვამთან, მძიმე უკავშირო რთულ წინადადებაში, პირდაპირი ნათქვამი, დიალოგი)		დეკემბერი
მორფოლოგია (სიტყვები წინადადებაში გამოყენების თვალსაზრისით, ფორმაცვალებადი და ფორმაუცვლელი სიტყვები, მეტყველების ნაწილები, სრულმნიშვნელოვანი და დამხმარე მეტყველების ნაწილები ფორმაცვალებადი და ფორმაუცვლელი მეტყველების ნაწილები).

თემები, აქტივობები, სწავლისა და სწავლების  მეთოდები

ზემოთ ჩამოთვლილი განსახილველი თემების ახსნისა და გაგების პროცესში გამოყენებული იქნება შემდეგი  აქტივობები:

-პრაქტიკული მეცადინეობები;

-პრაქტიკული დავალ;ებების თეორიული ასპექტების შესწავლა;

-დემონსტრირების მეთოდი;

- ვისწავლოთ თამაშით , სახალისო აქტივობები; სიმულაციური თამაშები

-დისკუსიები, ჯგუფური, ინდივიდუალური მუშაობები,

-აქტივობები კრიტიკული აზროვნების განვითარებისკენ მიმართული, სტრატეგია 3, 2, 1, ვენის დიაგრამა , გადაჯაჭვული  წრეწირი,  და ა.შ.

-პრობლემაზე ორიენტირებული სწავლების მეთოდი

 რესურსები

წრის წარმატებული მუშაობისთვის სკოლას გააჩნია შემდეგი რესურსები, საკლასო ოთახი, დაფა,  მერხები ,  კომპიუტერი, ბიბლიოთეკა, საკლასო ოთახი უზრუნველყოფილია ელექტრო ენერგიით.